LIESELOTTE
NAPABALIKWAS ako ng bangon at ang unang sumalubong sa akin ay ang nakangiwing mukha ng nurse na napaatras sa gulat. Inilibot ko ang tingin ko at kung hindi ako nagkakamali ay nasa ospital ako. Ang huli kong naaalala ay nasa sasakyan ako kasama si Boss Caius at Hunter tapos, may sasakyan na bumabangga sa likod ng kotse. Natigilan ako bigla nang may marinig ako sa kabilang bahagi ng kurtina kaya mabilis ko iyong hinawi.
“Hindi, Boss Caius...”
Nanlalaki ang mata ko nang tuluyang takpan ng doktor ang bangkay. Naninikip ang aking dibdib at walang sabi-sabing bumangon. Lumapit ako sa bangkay at niyakap iyon saka napahagulhol. Hindi ko lubos akalain na sa saglit na pagsasama namin ni Boss Caius ay ganito lang matatapos. Hindi ko pa nakukuha ang sahod ko, at saka may separation pay
