-SCARLET BETHANY-
Alas tres na ng hapon at kabababa lang namin sa eroplano. Nag-uunat-unat ako dahil sumakit ang balakang at puwet ko sa tagal naming pagkakaupo. Napatingin naman ako kay Yvan na hila-hila ang maleta ko. Nakangiting nakatingin siya sa akin.
"Bakit?" Lagi na lang siyang nakangiti.
"Masaya akong makitang masaya ka."
"Bakit lagi kang masaya para sa akin? Nagtataka lang ako."
"Kaibigan mo ako kaya gusto ko ay lagi kang masaya. Masaya ka ba para sa akin?"
"Alam mo, ang drama mo ngayon! Siyempre naman, masaya ako para sa'yo at para kay Nanay. Simula ng dumating kayo sa buhay namin ni Daddy ay naging maayos na ang lahat. Sana lang ay hindi na matapos 'yon. Pero alam ko naman na may darating at darating pa ring problema. This time ay kakayanin ko na kasi marami na kayong
