-SCARLET BETHANY-
Dumaan ang Monday hanggang Thursday na puro trabaho ang ginagawa namin. Dumami ang mga naging kliyente namin kaya halos wala na kaming oras magpahinga. Hindi naman kami nakalilimot kumain dahil laging nagpapa-deliver si Dad ng pagkain sa office.
Kasalukuyan kaming abala sa pananahi ng mga gown dahil kailangan na ito ng kliyente namin. Napatigil ako sa pananahi ng tawagin ako ni Aimie. Nang tingnan ko siya ay nanlalaki ang mga mata niya at mangiyak-ngiyak.
"Ano'ng problema, Aimie?" kunot noong tanong ko. Itinigil ko muna ang ginagawa ko.
"Ma'am, sabay-sabay pong nag-cancel ang mga kliyente natin. Ang masaklap pa po ay sa kanila po ang tinapos nating mga gown ngayong linggo," nanlulumong wika niya. Uminit bigla ang ulo ko.
"Paano nangyari 'yon? Bakit p
