Chapter 34
ELLIANA
PAGTAPOS ng isa't-kalahating oras ng klase namin ay nagmadaling lumabas ang mga kaklase ko at ako naman ay nagdesisyon na sabayan si Dennis dahil wala pa akong ibang kakilala at marami akong gusto pang itanong sa kaniya.
"Tara, Dennis! Sabay na tayo lumabas. Saan mo ba balak tumambay muna habang naghihintay ng next class natin?" anyaya ko sa kaniya.
"Sa shed lang, eh. Balak ko sanang magbasa ulit."
Medyo napahiya ako sa naging sagot niya kahit nagsasabi lamang ito ng totoo. Pakiramdam ko ay abala lang ako sa pagbabasa niya.
"Ah, gano'n ba? Sa canteen na lang muna ako. Medyo nagugutom na ako, eh," nakangiti kong sabi sabay aktong humahawak sa tiyan ko para magmukhang convincing ang sinabi ko.
"Gutom na rin ako. Sabay na tayo magmeryenda," sagot niya. Hindi ko
