Chapter 36
ELLIANA
KABADO akong pumasok sa mansyon at sinadya ko talagang magpahuli dahil ayaw kong may makahalata sa nangyari sa amin ni Sir Andrew.
Diring-diri ako sa sarili ko. Nagawa kong isuko ang sarili ko nang gano'n lang. Ano na lang sasabihin sa akin ng mga magulang ni Lincy kapag nalaman nila ito? Napakaganda ng trato nila sa akin at inari nila akong parang sarili nilang anak tapos malalaman lang nila na inahas ko ang asawa ng kanilang anak na kamamatay lang. Ang isa pang nagpapabigat sa kalooban ko ay ang ideya na alam na ni Lincy ang nangyari. Bilang isang kaluluwa ay malaya itong nakakapunta saanman niya gusto at alam kong lagi itong nakabantay kay Sir Andrew. Marahil ay nakita nito kung paano ako naging marupok sa harapan ng taong kumitil sa buhay nila ng batang nasa sina
