"Hi," nahihyang bati ni Vincent sa magandang dalaga na nakatayo sa kanyang harapan.
"Hi," bati nito. "Ka---kanina ka pa ba?" tanong ni Cheska.
"Medyo? Pero okay lang, off ko naman ngayon kaya kahit maghapon akong maghintay sa 'yo walang problema. Hihintayin pa rin kita," sabi ni Vincent.
Namula bahagya si Cheska, kinagat pa nito ang kanyang labi upang maiwasang ngumiti. "Hmmm, doon na lang tayo sa malapit na cafe gusto mo?" naiilang na tanong ni Cheska. Napagpasayhan ng dalawang mag-usap pagka-out ni Cheska galing trabaho. Inimbitahan ni Vincent si Cheska na lumabas at hindi naman nabigo si Vincent, sumama si Cheska sa kanya ng walang pagdadalawang isip.
"Sure, kahit saan," sagot ni Vincent.
Nagtungo ang dalawa sa cafe, malapit sa office nina Cheska. Habang iniinum ang kapeng kanilang
