"Ang galing ni Gael, parang kaylan lang lagi s'yang umiiyak sa stage, natatakot sa madaming tao. Pero ngayon tignan mo lab lab nasa unahan pa s'ya at bibong sumasayaw. Mana talaga sa akin," mayabang na sabi ni Zeki kay Celine.
Kakabalik lang nito sa kanyang upuan. Kinuhanan kasi nito si Geal ng mga litrato habang sumasayaw ito sa kanilang presentation. Galak na galak si Zeki sa pagsayaw ni Gael, bibo at masigla itong tumayo sa stage. Kahit na magulo at hindi sabay sabay ang kanilang pagsayaw ay hindi maalis ang ngiti ni Zeki habang pinapanood ang kanyang anak. Gayun din ang iba pang mga magulang na nandoon. Hindi rin maalis sa mukha ni Gael ang mga ngiti dahil tanaw nito ang kanyang dada Zeki na todo suporta sa kanya.
"Kaya nga nakaka-proud, pero lab lab sa akin s'ya nagmana hindi sa 'yo
