DENIZ P.O.V
Nagising ako na parang may bumabaliktad na laman sa tiyan ko. Pakiramdam ko, nasusuka ako kaya bigla akong bumalikwas ng bangon. Dumiretso ako sa banyo nang hindi man lang tinitingnan kung ano ang oras. Agad akong yumuko sa may toilet bowl, pero wala. Wala akong masuka. Hindi ko alam kung ano ba 'tong nararamdaman ko, pero para akong nawalan ng lakas. Nanatili ako roon nang ilang minuto, hinihintay na baka sakaling may lumabas, pero wala talaga.
Pinikit ko ang mata ko, huminga ng malalim, tapos tumayo. Hinilamosan ko ang mukha ko gamit ang malamig na tubig. Sana naman magising na ako nang tuluyan at mawala 'tong hilo at pagkahilo ko. Paglabas ko ng banyo, napatingin ako sa kama—pero wala si Aziel. Saan kaya ‘yun?
Napatigil ako sandali. Oo nga pala, nasa bahay ni Aziel ako. M
