KANINA pa titig na titig si Keifer sa kambal. Para namang nakikipaligsahan ang dalawang batang anghel sa titigan sa aking kapatid. Mayamaya pa ay sabay na umiyak ang mga ito. Agad kong dinaluhan ang dalawa samantalang natawa naman si Keifer. Kinarga niya ang isa habang nilalaro ang isa. Tuluyan na siyang kumalma. Sina Nanay Rita at Tatay Kardo ay binigyan kami ng pagkakataon na makapag-usap. It’s very unexpected to see my brother in such a secluded place. Hindi ko akalain na makikita ko siya sa probinsiya ng Pulang Lupa kung saan dulo na yata ng Pilipinas.
“P-paano ka napunta sa lugar na ito?” mayamaya pa ay tanong ni Keifer.
Napangiti ako. Bakas sa hitsura niya ang malaking pagbabago. Halatang taon na nga ang lumipas dahil mature na ito kung titingnan. “Hindi ko na rin maalala kung paa
