Sampung minuto bago ang alarm ay gising na si Hazel. Iniunat niya ang kaniyang mga braso at paa habang pikit pa ang mga mata. Agad na kinuha ang towel sa tokador at naglakad patungo sa banyo. Isinabit niya ang pinaghubarang damit sa sabitan sa may likod ng pinto at naligo.
Nang matapos ay nagsipilyo ito habang tinititigan ang mukha sa salamin at nang matapos ay ngumiti. Maganda ang gising niya at excited na siyang pumasok para makita ang lalaking sinagot niya kagabi. First day nila bilang opisyal na magkasintahan.
Nang makapagbihis ay nag-init ito ng tubig at nagluto ng almusal. Pagkatapos ay ng baon na rin niya at bento para kay Greg. Napatingin siya sa labas habang isinisilid ang baunan sa loob ng lunch bag. Pagkatapos ay sinilip ang telepono nang tumunog ito. Sumilay ang ngiti sa kani
