Bumalik sa alaala ni Arriana noong unang beses silang nagtungo sa isla.
Sa laot pa lang ay hindi na mailarawan ang sobrang saya ng lahat. Napakaganda pa ng panahon at napakasarap langhapin ng hangin.
Napalingon ang lahat nang marinig nila ang halakhakan nina Lola Mina at Lolo Kiko. Nilapitan ni Arriana Adrian ang mga ito.
"Nilalaglag ako nitong si Mina sa mga apo ko," natatawang sabi ni lolo Kiko. "Hindi ko raw kayang languyin mula rito hanggang sa isla."
"E, ano? Totoo naman! Maglakad nga, nahihirapan ka na, lumangoy pa kaya?" wika ni Lola Mina.
"Aba, nakakalimutan mo na ba na kaya ka nainlab sa akin ay dahil sa galing kong lumangoy?" tila nagyayabang na wika ni Lolo Kiko. "Noong araw, ay kilala akong atleta. Palagi akong nananalo sa lahat ng sinasalihan kong patimpalak sa paglangoy.
