ISANG mahabang buntong hininga ang pinakawalan ko habang nakatanaw sa ibaba kung nasaan ang swimming pool.
Hindi man kalakihan ang bahay na mayroon kami rito sa Pilipinas. Ang mahalaga naman may maliit na swimming pool.
Hindi ko maintindihan ngunit nagbibigay kapayapaan sa akin ang swimming pool sa t'wing nasisilayan ko ito.
Isang linggo na rin kami rito. Masaya rin ang aking ina-inahan at nakabalik na kami rito sa Pilipinas.
Simula ng magkasakit ito at manatili ng matagal sa hospital, nanabik itong makauwi rito sa Pilipinas. Sa kabila raw na matagal itong nanirahan sa United States, alam nitong dito pa rin siya isinilang at dito rin niya nanaising bumalik hanggang sa huling hininga nito.
Isang mabigat na buntong hininga ang pinakawalan ko. Kung minsan, napapansin kong madalas ito
