PIGIL ang ngiti sa mga labi ko sa paraan ng pagkurot ni Pia sa tagiliran ko.
"Ano 'yon ha? Mukhang bumibigay ka na sa lalaking iyon? Kailan pa kayo nagkaayos? Ni wala kang nababanggit sa akin ha?"
Kuntudo irap ito habang nagdadaldal. Bigla naman akong napakagat-labi.
"Ano, sagot girl? Wala kang sasabihin?" Tinaasan pa ako nito ng kilay.
Nang bigla ko itong titigan.
"Ikaw ba ang nag-block sa number ni Tristan?" biglang tanong ko.
Bigla naman itong napalunok sabay iwas ng tingin. Isang buntong hininga naman ang binitiwan ko.
Kahit hindi ito magsalita, alam ko na ang sagot nito.
"Sorry na. Gusto ko lang naman na mahanap mo ang lalaking magmamahal sa iyo nang totoo. Iyong 'di ka sasaktan. Kaso, mukhang si Tristan pa ang itinadhana para sa iyo!" Sabay nguso nito.
Nakasimangot an
