Masayang-masaya ang mga anak ko ngunit wala na sigurong mas sasaya pa sa akin bilang Mama nila.
Pinapayagan ko na nga silang matulog sa bahay ng Papa nila para magkaroon sila ng marami pang bonding.
Ang kwento nga sa akin ni Ma'am Juvy ay nagpapa-therapy na raw si Lee at iniinom na ang lahat ng mga gamot na dapat niyang inumin.
Malakas na rin daw itong kumain at talagang napapalakas dahil kailangan na daw para may pantapat siya sa pagiging hyper ng mga anak lalo na raw ni Camilla na hindi nauubusan ng energy kahit buong maghapon.
“Tama na rin siguro ang naging desisyon mong yan, Cherry. Kung nabubuhay si Chayong ay malamang na mapapatawad din niyang yang pamilya ni Lee alang-ala sa kanyang mga apo. Kilalang-kilala ko ang nanay mo na napakabait na kahit naabuso na ang kabaitan ay walang
