Wala pa ang mga bata sa bahay kaya malamang na nadaan na naman sila sa bahay ng Papa at Lola nila para magpalipas ng ulan.
Medyo umambon ng malakas ngayong hapon at naka inabutan sila kaya hindi pa nakakauwi hanggang ngayon.
Wala kaming usapan na matutulog sila roon kaya pagpatak ng ala-sais ng gabi ay nagtungo na ako sa bahay ng mga So para sunduin na sina Camilla at Cholo.
Hindi ko pa rin kasi pinapagamit ng cellphone ang kambal kaya wala silang contact sa akin.
Wala rin naman akong natatanggap na mensahe kay Lee o kay Ma'am Juvy dahil wala rin naman akong contact sa kanila o sila sa akin.
Malayo pa lang ako ay dinig ko na ang malakas na tawanan sa bakuran ng mga So.
Nakabukas naman ang malaking bakal na gate kaya nasilip ko na narito nga ang kambal.
Nanonood sila ng movie sa mala
