LHAICA POV
Dahan-Dahan akong naglakad upang kunin iyong gamit ko. Medyo masakit pa iyong sugat ko, lalo na sa mukha ko. Ngayon na ako lalabas ng hospital at sa bahay na ako tuluyang magpapagaling sabi ni ate.
"Lhaica!"
Gulat akong napalingon sa taong bigla na lang tumakbo, palapit sa akin at hinawakan ang braso ko.
"Bakit hindi mo ko hinintay?" batid ko ang pag aalala dahil sa sinahi niya.
Alanganin akong ngumiti dahil sa kanya.
"J-Jayree, kaya ko na namang maglakad eh. Di ba nga lalabas na ako?" nakangiting sabi ko sa kanya.
"Alam ko, pero sana hinintay mo pa rin ako. Ayokong mahirapan ka, halika," sabi niya.
Hinayaan ko na lang siyang alalayan ako. Kinuha niya iyong gamit ko at sabay na kaming lumabas sa hospital. Wala ngayon sina Rhaine, dahil may lakad daw sila ni Ethan.
