Tahimik lang akong kumakain sa may gilid habang lihim pa rin akong nakamasid sa mag-asawa. Nararamdaman ko pa rin na parang pinupunit ang puso ko. Pero alam ko masasanay din ako sa mga ganitong sitwasyon.
Kitang kita ko ang saya ng mga mata ni Rowell habang kausap ang aking kapatid. Nakita ko din ang marahang pagpunas ni Rowell sa may damit ni Ara dahil natapunan ito ng sauce ng caldereta. At maya maya pa ay tumayo ito para ikuha ang aking kapatid ng tubig. Matagal ko silang pinagmamasdan. Ngunit ni minsan ay hindi na ako tinapunan ng tingin ni Rowell. Hindi gaya nung una kong pagbalik dito sa Pilipinas, lagi ko syang nahuhuli na nakatingin sa akin.
Naagaw ni Tiya Belen ang atensyon ko at nakipagkwentuhan sa kanila.
"Naku Ashley lagi ka naming pinagmamalaki. Ang galing galing mo kasing
