LUCAS
Tahimik si Ariadne nang makita ko siya kinaumagahan. Hindi ko rin mawari kung ano ang tumatakbo sa isip nito at parang kanina pa nakatulala. Mula pa kanina ay hindi ko na siya nakausap nang matino. Maging ang mga tagapangalaga ay hindi rin siya makuhanan ng matinong utos. Ang tanging alam ko lang sa ngayon ay may gumugulo sa kaniya ngunit kung ano 'yon ay wala akong ideya.
Nang muli ko siyang marinig na bumuntong-hininga ay hindi na ako nakatiis at nilapitan ko na siya. Kung si ama ang makakakita sa kaniya na ganito siya ay mas lalong matindi ang magiging interogasyon sa kaniya dahil hindi pa namin nakitang ganito si Ariadne, ngayon lang.
"Bakit parang ang lalim naman ng iniisip mo?" tanong ko rito nang magkalapit kami. Narinig ko ang pagsinghap nito at ang pagkawala ng kulay sa
