LUCAS
Natigilan ako sa pagbabasa nang marinig ko ang kakaibang hudyat na may dumating sa palasyo. Agad akong sumilip sa bintana na naroon sa silid ko at doon ay nakita ko ang aking kapatid na dumating at may kung sino na naman itong dala. Iyong totoo, balak niya bang iponin dito sa Celaeno ang mga estudyante ng RMA? Hindi naman kami imbakan ng mga taong kalaunan ay alam kong tatapusin din namin ang buhay.
Nagkasalubong kami ni ama habang pababa kami upang salubungin si Ariadne. Hinayaan ko na siyang mauna sa daan dahil na rin sa paggalang ko sa aming ama. Napangiti naman ako nang bahagya nang maging malinaw na sa akin ang pigura ni Ariadne na nakangiti rin sa gawi namin. Nangiti rin siya sa amin at handa nang salubungin si ama ngunit mabilis naman na umiwas si ama para puntahan ang taon
