Hindi ko inaasahan na gagawin kong pananggalang ang aking katawan para lang mailigtas ko ang taong mahal ko. Nangibabaw ang takot ko na mawala siya sa akin at naglaho ang takot ko sa baril.
Doon ko napagtanto na kaya ko pa lang isugal ang buhay ko para sa kaniya. Siguro kung may isip na ako noong bata pa ako ay nagawa ko rin ang bagay na nagawa ko ngayon para sa kanila. Kung may kakayahan lang ako na bumalik sa nakaraan at iligtas sila sa kamay nang mga hangal na iyon.
"Bakit hanggang ngayon hindi pa rin siya nagigising?"
"Maghintay lang tayo. Sabi ng doktor okay na ang kalagayan niya, natanggal na ang bala sa katawan niya. Hintayin na lang natin siya na magkaroon ng malay."
"Kat-kat gumising ka na girl, sige ka kapag hindi ka pa bumangon diyan aagawin ko sa iyo ang boyfriend mo."
"T
