Maaga akong gumising ngayon sapagkat ipagluluto ko ng almusal si Max. Para makabawi man lang ako sa lahat ng ginawa niya nitong nakaraang araw.
Lumipas na ang dalawang araw na pamamalagi namin dito at maayos na itong paa ko. Nanatili kami dito sa isla ng lola niya para makipaglaro pa sa mga bata na nandito.
Dumiretso ako sa kusina at tumingin nang puwedeng maluto para sa almusal naming dalawa ani Max. Alas sais pa lamang ng umaga kaya naman mahimbing pa ang tulog niya.
Pagkabukas ko ng ref ay kumuha ako ng bacon at tuna. Kumuha na rin ako ng dalawang itlog.
Inihanda ko na ang lahat ng kakailanganin at nagsimula na akong magluto. Habang nakasalang ang itlog na piniprito ko ay bigla namang tumunog ang cellphone na regalo sa akin ni Max.
Nakita ko ang kaniyang pangalan sa screen. Hinang
