"Nabusog ka ba sa kinain mo?"" tanong sa akin ni Omari.
Kakatapos lang naming kumain sa karinderiya na malapit sa dati kong bahay. Inaya ko na muna siyang maglakad-lakad para bumaba yung kinain naming dalawa.
"Siyempre naman, madalas akong kumain doon noong bata pa ako. Ikaw? Nagustuhan mo ba yung kinain mo? Alam kong hindi ka sanay sa ganoong lugar kaya alam kong nanibago ka."
Tumango naman siya sa akin at ngumiti. "Nasarapan ako, lalo na at kasama kita."
"Huh?"
"I mean, mas sumarap yung pagkain dahil kasama kita. Sa susunod kung gusto mo balik ulit tayo doon. Isama natin si Kai at Theo, pati na rin si Max," sagot niya.
"Magandang ideya iyan. Mas marami tayo mas masaya," excited kong sabi.
Dinala kami nang aming mga paa sa isang palaruan. Inaya ko siya sa swing na nakita ko para ma
