Lakad-takbo ang ginawa nila. Ang palitan ng putok ay naging matumal hanggang sa tuluyang nahinto. Nag-aalala man para kay Lopez, wala siyang magawa kungdi sumunod kay Vincent. Hindi na niya namalayan ang oras, alam lang niya, kailangan niyang magpahinga o bibigay na ang baga niya sa kawalan ng oxygen. Hindi pa kasama doon ang nagrereklamo niyang mga binti.
"Vincent..." hinihingal niyang sabi, "tumigil muna tayo, please."
Sinulyapan siya nito. "We can't."
She groaned at napatili ng buhatin nito. "Hoy! Bitiwan mo ako..." Napumiglas siya hanggang sa makawala at agad na dumistansya dito. "Kaya ko pa naman, Vincent." Alam niyang pareho lang silang pagod. Isa pa, sigurado siyang hindi pa tuluyang naghihilom ang tama nito.
"Are you sure?" Tumango siya at nagpatuloy sa paglakad. Salamat na r
