ISANG masaya at hindi malilimutang kasal ang muling naganap sa kanilang dalawa ni Christopher.
Hindi niya akalaing pakakasalan siya nito ulit. At ngayong araw nga, lubusang napuno ng saya ang puso ni Zasha.
Maraming dumalo, kagaya noong unang kasal. Sa pagkakataong din iyon, maraming tauhang inilagay ang asawa niya sa bawat sulok ng venue kahit noong nasa simbahan pa sila.
Talagang tiniyak nitong sa pagkakataong iyon, hindi na masisira ang kanilang kasal.
Masaya rin ang puso ni Zasha at tuluyan na nga itong tumalikod sa grupo ng mga Mafia.
Kaniya-kaniyang batian at kuhaan ng litrato. Ang kaniyang ama, labis ang saya sa mukha nito.
Abala ito sa pakikipag-usap sa mga bisita. Ginanap ang kasal sa mismong hacienda, kaya lalong dumami ang mga bisita at imbitado lahat ng tauhan nila s
