NATITIGAN ni Zasha ang envelope na nasa kamay niya. Nasa sasakyan siya ng mga oras na iyon upang tumungo sa Ferraro Vee Company.
Hindi man niya gustong iwanan ang kanyang anak - wala siyang mapagpipilian. Bigla na namang sumama ang pakiramdam ng kanyang ama.
At nakiusap ito na kung maaaring siya mismo ang magdala ng envelope na iyon sa mismong CEO dahil napakahalaga ng laman noon.
Ang hindi maintindihan ni Zasha kung bakit kanina pa siya kinakabahan. Hindi dahil sa pag-iwan niya sa kanyang anak sa mansion kun'di ang pagtungo niya sa kompanya ng mga Ferraro?
O dahil unang pagkakataon niya ito? Hindi naman talaga siya nagsanay sa pagpapatakbo ng kompanya ng kaniyang ama dahil na rin sa kagustuhan nito.
Mas gusto nitong ituon niya raw muna ang kanyang atensyon sa kanyang anak na si C
