MALUNGKOT na nakatanaw si Zasha sa malawak na lupain sa kanilang hacienda.
Hanggang sa napakurap siya ng bumagsak ang butil ng luha sa kanyang mga mata.
Sa loob ng dalawang buwan, wala man lang siyang balita tungkol sa asawa. Nanatiling tikom ang bibig ni Henri - hindi niya ito mapilit. 'Di nito magawang magsalita na tila may inililihim.
Walang araw na hindi siya umiiyak sa tindi ng pag-aalala para sa asawa. Ngunit sa kabila ng pananahimik ni Henri, umaasa siyang nanatiling ligtas ang kanyang asawa.
Hindi lang niya maiwasang mangamba sa isiping baka isang araw masamang balita ang ibungad sa kanya ni Henri - hindi niya iyon kakayanin.
Sa isiping bumalik sa pagka-Mafia ang asawa niya, tila may mabigat na batong nakadagan sa kanyang dibdib. Hindi niya gugustuhing bumalik ito sa datin
