Alas-otso ng gabi na nakauwi sila Samuel at Thalia, kinuha pa kasi ng dalaga ang kanyang passport. Habang pauwi sila ay inabot din ng traffic sa daan.
Nakaupo sa gilid ng kama si Thalia habang pinapatuyo ang kanyang buhok. Ang binata naman ay halos katatapos lang maligo, nakasuot lang ito ng bathrobe at tinabihan si Thalia, niyakap niya mula sa likuran ng dalaga atsaka hinalikan ang leeg nito.
“Babalik ba tayo sa Mansyon?" Seryoso na tanong niya kay Samuel, napatigil siya sa ginagawang paghalik.
“Alam mo namang galit siya sa akin at ayaw para sayo, natatakot ako Samuel baka kung anong gagawin niya sa akin." Iba talaga ang pakiramdam niya dahil minsan na siyang nasaktan ng ginang baka maulit pa iyon.
"Kung iyon ang paraan para matanggap ka niya at maipakitang wala kang masamang intensy
