NASORPRESA si Riri nang pagdating niya sa classroom ay sumalubong sa kanya si Disc. Well, ang totoo niyan, nasorpresa siyang may nauna sa kanyang dumating. Sanay kasi siya na sila ni Ryder ang unang dumadating dahil lagi silang maaga pumasok.
Marami siyang gustong itanong sa binata pero aminin man niya o hindi, nakaramdam siya ng pag-aalala nang makita ang mga pasa sa mukha nito. Pati mga braso nito, may pasa rin.
Just what happened to this guy?
"Yo, Riri," parang nahihiyang sabi ni Disc habang nakahawak sa batok nito. "Kumusta ka na?"
Sinenyasan ni Riri si Ryder na lumabas muna. Mabilis namang tumalima ang pamangkin niya. Pagkatapos, nakahalukipkip na hinarap niya si Disc. "As you can see, naka-recover na ko mula sa pananaksak sa'kin ng tatay mo."
Bumuga ng hangin si Disc. Namula ang
