Sinadya ni Tristan si Sky sa opisina nito kinabukasan ngunit nasa isang meeting daw ito.
May halos dalawang oras din siyang nakatambay lang sa isang cafe malapit sa opisina nito nang puntahan siya nito. Ngayon nga ay nasa harapan na niya ito at masayang nakikipagkuwentuhan na para bang walang nangyari kahapon sa bahay nila.
"Ano ba talagang pinag-awayan niyo ni Vela?" pang-uusisa ni Tristan. Hindi na niya kayang patagalin pa ang isa sa mga dahilan kung bakit dinayo pa niya ito.
Uminom muna si Sky nang inorder niyang kape. "Wala bang sinabi sa'yo 'yang girlfriend mo?"
"Pre, Vela ang pangalan niya."
Bumuntong-hininga si Sky at tumingin muna sa labas ng cafe. Pinagmasdan niya ang mga naglalakad.
"Sky.." may halo nang iritasyon sa boses ni Tristan.
I strongly suspect that he is cheatin
