KAGAGALING lang ni Calley sa quarter ni Tristan para kumustahin ito at dalhan ng pagkain ng gabing iyon. Nagprisinta din siyang magligpit ng mga kalat nito at maghugas ng pinagkainan dahil hindi pa ito magaling para kumilos at gawin iyon. Pagbalik niya sa sariling tinuluyuan ay ipinasya rin niyang maglinis at maglipit ng mga maruruming mga damit, at saka inasikaso si Callyx para matulog.
"Baby, come here. Let's toothbrush na, " pagtawag ni Calley sa kanyang anak. Alas-otso na iyon ng gabi at iyon ang oras ng pagtulog nito.
"Okay po, Mommy," mabilis namang sagot ng paslit at saka binitiwan ang color pencil at saka iniligpit ang color book. Regalo iyon ni Zack nang malamang malapit na itong mag-aral. Hindi mapigilang mapangiti ni Calley dahil sa ginawa ng anak. Marunong na itong maglipit n
