October 17, XXXX (Day 24)
Naramdaman kong may humahaplos sa pisngi ko kaya napamulat ako ng mata.
"Ano’ng ginagawa mo dito?!" sigaw ko nang mapabangon ako sa kama at mabilis na binalot ng kumot ang katawan ko.
"Huwag kang mangarap na pinagnanasaan kita." mariin na sabi ni Halimaw na may pandidiring tingin na nalalaman.
"Wow, ha! Saan ka nakakita ng lalaking nasa kuwarto ng babae? Tapos may pa haplos-haplos pang nalalaman at teka ano’ng oras na ba?" agad kong hinanap ang cellphone ko, nang makita ko ito tiningnan ko agad ang oras. "Huh? 04:21AM pa lang?" sabi ko na tumingin pa sa kan’ya pero iniwasan niya ako ng tingin at naglakad na papunta ng pintuan.
"Kaya ako nandito ay para tingnan ka kung okay ka lang ba. Nalaman kong sinampal ka ni Carmie." sabi niya ng hindi ako nililing
