Saving me
“TABI ba tayong matutulog ulit ngayon, Tita Vina?” tanong ni Elias kay Vina habang naghahapunan kami sa resto sa tapat ng hospital. “Ikaw din ba Tito Benjie, tabi ka sa amin?” dugtong pa niya sa katabing si Benjie na umiling naman.
Nagpapahinga na ang ama ko sa kwarto niya at ang nagbabantay naman sa kanya roon ay si Gio na umuwi pala saglit kanina sa Isla para kuhanan ng gamit sila Vina at Papa. Pagbalik niya ay kasama niya na si Ninong Boy na isa sa matalik na kaibigan ni Papa. Hindi niya ginustong sumama sa amin ng mag-aya si Arvie na maghapunan muna kaming lahat.
“Hindi eh. Uuwi kami ni Mama sa Isla,” sagot ng kapatid ko at maganang sumubo ng pagkain.
“Isla? Saan ‘yon?”
“Doon kami nakatira, Elias. Kinakailangan pang sumakay ng bangka bago makarating doon,” sagot naman
