(Sa Hapag-kainan)
"Nga pala, Matt. Saan ka ba nagpunta kaninang umaga at nakalimutan mo na yatang ihatid itong si Furi?" usisa ng ina sa anak niya, ngunit pareho namang nabilaukan ang dalawa at napainom sa isang baso ng tubig.
"Hay naku, ano ba talaga ang nangyayari sa inyong dalawa?" ang sabi pa nito sa kanila habang nilalagyan niya ng tubig ang baso ni Matt, gamit ang pitsel.
"A-ayos lang naman po, Tita. Baka may importante lang siyang nilakaran kanina, hindi ba?" pilit na lang ngumiti si Furi at lumingon sa kaniyang nobyo. Tila nabasa naman kaagad ng binata ang nais nitong ipahiwatig sa kaniya kaya ngumiti na lang din siya at napatango sa ulo.
"Ganoon ba? siya nga pala, nagpunta ako kanina sa school niyo ah?" pagkarinig nila sa sinabi ng ginang ay bigla silang napatingin sa isa't-is
