Palabas ng school sina Furi at Tanya nang mahagip ng atensyon niya ang pamilyar na lalaking nag-aabang sa kaniya sa labas.
"Bakit, Furi?" usisa ni Tanya nang mapansin niyang huminto sa paglalakad at natahimik.
"Tanya, mauna na pala ako sa'yo bye!" paalam niya at aligagang nilapitan ang kaniyang nobyo na si Matt.
"Kanina ka pa diyan?" nakangiting sambit niyang nang makalapit na siya sa binata. Tinignan lang siya nito at siyaka nagsimulang maglakad. Sumimangot naman si Furi at sinundan niya ito mula sa likuran.
Walang imikan silang naglalakad dalawa hanggang sa bigla itong huminto sa paglalakad at bumangga na lamang ang dalaga sa likuran niya dahil nakatuon lang ang atensyon nito sa cellphone niya.
"Aray!" aniya na nakahawak sa noo.
Lumingon si Matt sa kaniya na magkasalubong ang dalaw
