Ilang linggo ring gumulo sa isipan ko sa mensaheng ibinigay ng lalaking pumasok sa aking earpiece.
Hindi ko alam kung bakit hanggang ngayon ay hindi ko pa rin sinasabi sa mga kaibigan ko kung anong klaseng babala ang natanggap ko.
Basta ipina-check ko kina Lexus kung may nakikinig o may na-detect ba silang ibang IP address sa aking earpiece pero wala naman daw.
Nanatili rin akong hindi lumalapit kina Dawn at Daenerys dahil hindi ko pa nasisiguro kung sino ang tinutukoy ng lalaking iyon.
“May gumugulo ba sa isipan mo?” tanong sa akin ni Caleb nang makarating ako sa aming hideout.
Sina Dawn naman ay wala rito ngayon sa hideout dahil ilang araw silang mamamalagi sa ibang bansa.
Kung hindi ako nagkakamali ay sa Switzerland dahil may business meeting silang gaganaping dalawa.
Kaming apat
