Habang kumakain, bigla akong natigilan nang maramdaman ko bigla ang presensyang iyon.
Hindi ko alam kung nagkamali lang ba ako ng pakiramdam o talagang nandito na naman ang lalaking iyon?
Nilingon ko ang paligid kung saan nanggagaling ang presensyang iyon ngunit bigla akong natigilan nang matagpuan ko ang kaniyang mga matang nakatitig sa akin.
May sigarilyo sa kaniyang labi pero hindi pa niya ito nasisindihan. Mukhang balak pa niyang manigarilyo rito sa loob dahil sa kaniyang ginagawa.
Umigting ang aking panga at mabilis na itinuon ang aking atensyon sa mami na kinakain ko.
Hindi pa man din ako tapos kumain pero bigla na lamang lilitaw ang lalaking ito na para bang naaamoy niya kung saan ako nagtutungo.
Imbis na bigyan pa ng atensyon ang lalaking kinamumuhian ko, mabilis ko na lamang
