Pabagsak siyang nahiga sa kanyang kama pagdating niya galing ng Davao, at tulad ng dati, ni hindi man lamang nakipagkita si Gilbert sa kanya nang paalis na sila ni Benjie, ang dahilan nito ay may hang over ito at masakit ang ulo kaya’t hindi na ito nag-abala pang lumabas ng kanyang kuwarto.
Ganito rin ang kanyang naramdaman nang bumalik siya ng Pilipinas pagkagaling sa New York limang taon na ang nagdaan, mabigat, malungkot. Nagawi ang tingin niya sa kanyang tokador. May bouquet of flowers na nakapatong doon, medyo nalalanta na.
“Hmn, bakit nagpadala si Alex ng bulaklak, andito na kaya siya?” Naisip nito saka bumangon at kinuha ang mga bulaklak.
I’ve been looking for you. How are you? Please meet me. I miss you so much!
Gilbert…..
“Si Gilbert!? Galing siya dito!” Bulong sa sarili. “Pe
