Kinabukasan, maaga silang sinundo ni Gilbert at dumiretso sa isang resort, nadatnan na nila doon sila Mr. and Mrs. Vergara at sina Kelly kasama ang dalawang katiwala.
“Napakaganda naman ng ambiance dito,” maarteng komento ni Benjie.
“Yup, malinis din ang tubig ng dagat dito,” sang-ayon naman ni Becky.
“Oo nga tamang-tama sa dalawang long lost lovers oh!” Wika ni Kelly sabay inginuso ang kinaroroonan nila Gilbert at Maricon na noon ay naglalakad-lakad sa dalampasigan at seryosong nagkukuwentuhan.
“Oo nga bagay na bagay sila,” puna naman ni Mr. Vergara.
Nakangiti namang nakitanaw si Benjie sa dalawa.
Samantala, kanina pa nalilibang ang dalawa sa paglalakad sa dalampasigan, basa na nga ang laylayan ng mahabang dilaw na beach dress ni Maricon dahil sa hampas ng mga along umaabot sa kanil
