Chapter 23
Kailangan
Kanina ko pa hawak ang diyaryong naglalaman ng artikulo kung saan ko nakita si Gabriel. Humigpit ang hawak ko sa kalalabas na balita. Kalalako lang kaninang umaga at kalalabas pa lang ayon sa date na nakasulat. Kahit ilang beses kong basahin ang artikulo ay alam kong kailanman ay hindi ito magbabago.
Hindi ako makapaniwala habang ilang ulit na binabasa ang artikulo. Para akong niloloko ng tadhana.
Bumaba ang aking tingin sa tatlong litrato ng mga suspek kung nasaan sana gitna si Gabriel. Hindi ako pwedeng magkamaling si Gabriel ang nasa larawan. Hindi katulad ng mga una ko pang mga pagkakamali sa tuwing may makakasalubong sa daan o makakasakay sa jeep. Hindi sa pagkakataong ito dahil alam kong si Gabriel mismo ang nasa diyaryo at sinasabing isa sa mga suspek na nan
