***Floreza POV***
"IBIG mong sabihin anak, buhay pa ang tunay mong mga magulang?" Tanong ni Nanay Rosita.
Tumango naman ako. Kinuwento ko sa kanila ang tungkol kay Tiyong Cesar at tungkol sa tunay kong pagkatao.
"Pero ang sabi ni tiyong, ang totoong nanay ko na lang ang buhay. Ang totoong tatay ko ay patay na. Pinatay ng leader ng rebelde."
Nagtinginan si Nanay Rosita at Tatay Rogelio. Gumuhit sa kanilang mukha ang lungkot.
"Eh, sino naman ang tunay mong mga magulang? Kilala mo na ba sila, anak?" Tanong ni Tatay Rogelio.
Umiling ako. "Hindi pa po, tay. Hindi pa po nasasabi sa akin ni Tiyong Cesar. Tatanungin ko pa sya sa oras na magising sya."
Sa ngayon ay wala pa ring malay si Tiyong Cesar. Pero binalikan sya ng doctor kanina para suriin. Tapos na syang salinan ng dugo. Hihin
