AGAD na binawi ni Fely ang kanyang pagkakatitig sa lalaking umaalalay sa kanya sa pagtayo. Aminado siyang tila magnet ang bilugan nitong mga mata. Tila hinihigop siya sa kung saan. Maganda rin ang hubog ng ilong at labi nito.
"Okey ka lang ba?" muli ay tanong ng lalaki.
Tumango lang siya at nakayukong nilisan ang simbahan. Ilang dipa pa lamang ang layo niya nang tila may bumulong sa kanya na lumingon. Paglingon niya ay kumaway pa sa kanya ang lalaki. Biglang namula ang mukha ni Fely. Baka isipin ng lalaking iyon na ninanakawan niya ito ng tingin! Nakakahiya!
NAKITA ni Portia ang kanyang daddy na si Mr. Peter Wellington. Half-German at half-Filipino ang kanyang ama kaya ganoon ang apelyido nito. At dahil sa Pilipinas na ito lumaki ay matatas na itong magsalita ng Tagalog. Ang mommy naman
