NYELA'S POV:
--
SUOT ang isang simpleng t-shirt na puti at itim na jeans at lumang sapatos na pinahiram pa sa akin ni Doc Sanchez dahil wala naman akong dalang gamit ko sa HQ nang maglayas ako sa bahay ni Luca.
Tagaktak ang pawis ko habang nasa labas ng mansyon ni Mr. Gomez na siyang misyon ko sa araw na ito. Nakaipit sa pagitan ng aking tagiliran at braso ang folder na hawak ko kung saan naglalaman ng pekeng dokumento na ginawa ni Frost para sa akin.
"Tao po? Tao po!? May hayop po ba dito?" sigaw ko sa labas ng gate nila.
Ang taas kasi ng bakod at tarangkahan at parang mababali ang leeg ko kakatingala. Isa pa, hindi ko abot ang doorbell. Sinong tanga ang ilalagay sa tuktok ng pader ang doorbell? Malamang dito lang yan sa mansyon ni Mr. Gomez.
"Walang hayop dito, anong kailangan mo M
