Kasalukuyan akong nakatunganga sa classroom. Mabilis lang lumipas ang araw kaya naman balik pag-aaral na ulit kami. Wala rin naman masiyadong kaganapan habang naroon ako sa apartment ni Thunder. Kain, tulog, basa ng libro at nuod ng T.V, iyon lang ang ginawa namin noong weekend.
“Tymee. Okay ka lang?” Tanong ko nang mapansing tahimik ito. Kagrupo ko siya ngayon sa activity kasama si Jasper, Matthew at Axel.
“Ah oo, may iniisip lang ako. Sorry.” Paghingi niya ng tawad. Magsasalita pa sana ako ngunit bigla na lang siyang tumakbo palabas ng classroom, dahil doon ay nagkatinginan kaming apat nila Matthew.
“Anong nangyari do'n?" Tanong ni Matthew sa amin. Nagkibit balikat lamang ako at saka ibinaling ang atensyon sa papel na hawak ko.
“Apat na lang tayo ngayon, wag niyong sabihin na sa akin
