“Ha?” Mapang-asar na ulit ni Sanya sa reaksyon ko.
Sinamaan ko siya ng tingin bago naglakad patungo sa sala at naupo sa upuan. Sumunod naman sa akin si Sanya habang may nakakalokong tingin. Hindi ako makatingin sa kan’ya dahil pakiramdam ko ay binabasa niya ang mga kilos at kislap ng mata ko.
Malakas pa naman ang pakiramdam niya pagdating sa kung ano mang kaganapan sa akin. Hindi ko naman pweding sabihin sa kan’ya ang mga naganap at baka isipin niya na mahuhulog ako kay Sanjoe, bagay na sa tingin ko ay malabo namang mangyari.
“Anong nangyari…” mababa at may pang-aasar na tanong niya.
“A-Ayon nakakapagod,” sagot ko sa kan’ya bago tumikhim para ayusin ang boses ko na nauutal sa pagsasalita.
“Talaga?” Puno ng pagdududa niyang tanong.
“Oo, madaming activity, nag-enjoy ako,” puno ng kompy
