Akala mo ay may dumaang anghel sa sobrang tahimik ng paligid at halos lahat sila ay nag-iwas ng tingin sa aming dalawa ni Sanjoe na magkayakap. Para kaming nasa pelikula, siya ‘yong bidang lalaki na sobrang nag-alala sa bidang babae. Akala ko ay sa telebisyon ko lang makikita ang mga ganitong tagpo pero mararanasan ko rin pala sa totoong buhay.
“S-Sir… team number 7 wants to apologize,” sambit ng isang empleyado dahilan para maghiwalay kami dalawa sa pagkakayakap.
Napatikhim ako habang si Sanjoe naman ay seryosong hinarap ang nagsalita.
“No need, they are all fired,” matigas na sambit ni Sanjoe.
Bahagyang nanlaki ang mata ko sa inasta ni Sanjoe, kung papaanong ganoon na lang kadali sa kan’yang tanggalin ang mga empleyado niya.
Tatlong lalaki at dalawang babae ang nagmamadaling lumapit
