Tahimik lang kami ni Sanjoe habang bumabyahe pauwi. Hindi siya nagtanong at hindi rin naman ako nagsalita. Hindi ko alam kung papaano niya nalaman na naroon ako, at tila hindi ko rin naman kayang itanong sa kan’ya. Pakiramdam ko ay alam na niya, alam niya ngunit nananatili siyang tahimik. Hindi niya ako tinatanong bagay na ipinagtataka ko rin, bakit walang anumang salita ang nagmumula sa kan’ya patungkol sa aking nakaraan.
Nang makauwi kami sa apartment ay hinatid niya lamang ako sa tapat ng aming pinto. Hindi na siya pumasok pa sa loob.
“Rest, love.”
Iyon lang at hinalikan niya ako sa noo.
Pumasok na ako sa loob at si Sanjoe naman ay nagtungo na sa kan’yang apartment unit. Pagkapasok ko sa loob ay nakita ko si Sanya na abalang nagbabasa ng kna’yang mga notes. Pilit akong ngumiti nang
