“`YOU OKAY?”
Nilingon ni Yvonne ang Kuya Lucieno niya. Nginitian niya ito. “Oo naman. Na-miss ko lang ang Pilipinas.” Ibinalik niya ang kanyang tingin sa malaking window. Tinanaw niya ang makinang na lungsod. Tumutuloy silang magkapatid sa isang hotel.
Dalawang araw na ang nakalipas mula nang dumating sila sa bansa. Hindi pa naayos ng kapatid niya ang bahay na nabili nito kaya doon muna sila nang ilang araw. Nagdesisyon ang kapatid niya na sa Pilipinas na lang uli manirahan. Kahit na maganda sa Amerika, mas nais nitong sa Pilipinas manatili.
Nilapitan siya nito at inakbayan. “Sigurado ka?” naninigurong tanong nito.
She wrinkled her nose. “Oo. Hindi na ako baby, Kuya. I’m a big girl na and you don’t have to worry. I don’t break easily.”
“I know. I’m just making sure. Alam ko na hindi m
