"N-Noah..." Nag-aalala kong tinitigan si Noah. Nagtataas baba ang dibdib niya habang bakas na bakas pa rin ang galit at muhi niya kay Mr. Guerrero. Nanginginig pa rin ang buo kong katawan hanggang ngayon. I was scared. Akala ko ay mapapatay niya ang lalaki kanina. Bahagya akong nakahinga nang maluwag ngunit ang takot ay nando'n pa rin.
"A-ayos ka lang ba?" mahina kong tanong. Hindi naman siya sumagot kundi'y hinawakan lamang ang palapulsuhan ko at hinila ako patungo sa loob ng mansion. Hindi naman marahas o masakit ang hawak niya sa akin kahit pa na galit siya pero ilang beses akong napalunok habang naglalakad kami dahil nakakatakot ang aura niya. Ni hindi ko alam kung ano ngayon ang tumatakbo sa isipan niya.
Isa pa sa bumabagabag sa isipan ko ang kalagayan ni Mr. Guerrero. Paano kung na
