HINDI pa man yata sumisikat ang araw sa labas ay nagising na ako. Hindi ko kasi mapigilan ang excitement na nararamdaman ko simula pa kagabi. At ito na rin ang ikatlong araw ko rito at sana mamaya o bukas ay makalabas na ako kahit papaano dahil sa lawyer na mayro'n ako. At least, mababawasan ang mga isipin ko dahil may handang tumulong sa akin. At least, alam ko ang mga kailangan kong gawin at hindi.
Ipinasok muli ako sa interrogation room dahil doon ko na lamang daw hihintayin 'yong magiging abogado ko. Habang naghihintay, ngayon pa ako hindi mapakali. Bigla akong kinabahan, hindi ko naman alam kung bakit. Ang lakas ng t***k ng puso ko, siguro ay dala lang 'to ng excitement kaya gano'n.
Sapo-sapo ko ang mukha ko nang marinig ang pagbukas ng pinto. Nagmulat na ako ng mga mata at dahan-da
