KINABUKASAN. Nagising na lamang ako sa pagtawag sa aking pangalan. Isang pulis ang nagsasabing ayusin ko na ang mga gamit ko. Kahit naguguluhan nang una ay sinunod ko ang utos nito.
"Ms. Gonzalez, bilisan mo nang ihanda ang mga gamit mo," sabi pa nito. Hindi naman ako magkandaugaga sa paga-ayos.
"Nako, baka lalabas ka na rito, Ms. Yayamanin!"
"Oo nga! Wow ang lakas kay Lord, ha?! Mukhang nagkatotoo ang mga panalangin mo, Angelique!"
"Aba, sana kami rin!"
Hindi ko maiwasang mapangiti sa mga sinabi ng mga kasama ko sa loob. Parang bigla ay nabuhayan ako ng loob. Totoo bang lalabas na ako? Makakauwi na ba ako sa pamilya ko? Hindi mawala ang ngiti sa labi ko hanggang sa matapos ko ang paghahanda sa mga gamit ko. Ngunit ang sayang nararamdaman ko ay naglaho ng parang isang bula nang marini
